Fiskoolada Dabada (Anal fissure): Sababaha Keena & Sida Guriga Loogu Daryeeli Karo

Saxarada waxaa si kumeel gaar ah inta aysan jirka ka soo bixin lagu keydiyaa malawadka/maroorka. Fiiskolada dabada waa jexitaan ku yimaada futada gaar ahaan marinka saxarada, astaamaha lagu garto waxaa ka mid ah xanuun waqtiga saxarada iyo dhiig la socdo saxrada mararka qaar, badanaa waxa uu saameeyaa caruurta ka hoosaysa da’da halka sano.

Sababaha ugu badan ee fiiskoolada dabada u keena dadka waaweyn waxaa kamid ah calool istaag iyo jug soo gaarta dabada .

Waxaa adkaata in uu qofku kasoo kabsado xanuunkaan taas oo loo aaneynayo in bukaanka uuna ka taxadarin amaba uuna dhageysan tallada dhaqtarka taas oo keeni karta in mar labaad dib usoo noqoto fiiskooladu. Si kastaba ha ahaatee, qofka ka dhaga adkeysta daaweynta waxaa loo baahdaa qaliin daruuri ah si loo saxo fiskoolada .

Waa maxay astaamaha fiiskoolada dabada?

Calaamadaha iyo astaanta fiiskolada dabada waxaa ka mid ah:

Xanuun futada laga dareemo
Xanuun yimaada marka la kaadinaayo
Dhiig kasoo muuqda saxarada dusheeda
Dhiig ama boog cadaan ah oo kasoo muuqda futada.

Sababha keena fiiskoolada dabada waxaa ka mid ah:

Calool istaag daran
Saxarad oo adag
Dhaawac amaba jug soo gaarto futada
Dhalmada
Kansarka malawadka

Dilaaca ku yimaada futada lama xariiro cudurada daran sida kansarka mindhicirada ku dhaca, inkastoo kansarka futada iyo fiiskoolada futada is shabahaan oo ay wadaagaan sababaha iyo astaamaha qaar. Waxaase la hubiyaa marka baaritaan uu sameeyo dhaqtarka waxaa soo cadaata waxa uu yahay xanuunka. Booqasho aad ku sameyso dhaqtarkaaga waxa ay kaa badbaadin kartaa xanuun kan.