Talooyin ku saabsan Ramadaanka

1. Xus Alle SWT habeen & maalin, Badi ducada & dambi dhaafka
2. Aqri Quraanka, kuna dedaal in aad fahanto macnihiisa
3. Shanta Salaadood ku tuko Masjidka, Seexo habeenki xilli hore, si aad Salaada Subax ugu kacdo
4. Ku Bilow Afurka Biyo, Timir, Qare, wax fudud. Ducayso.
5. Cab biyo badan, Ha iska badin Cuntada afurka ka dib si aadan u awoodi waayin in aad Cishe & taraawiix tukato
6. Wanaaji Niyadaada, Xooji Iimaankaaga
7. Laab indhahaaga, Ka dhawrsoonow Allihi ku abuuray ee Aragaaga ku siiyay
8. Been ha sheegin, cidna ha xaman, dadka ha u gefin. Ka adkow Carabkaaga
9. Caawi Masaakiinta, Waayeelka & Agoonta
10. Ka fogow Kibir, Islaweyni, Xasad, Naceyb, Xanaaq badan, kuwani waa Sifooyin sun ah
11. La bax Sadaqo maalin kasta. Ogow hadalka wanaagsan, walaalkaa aad u dhoolacadayso, dhib aad wadada ka leexiso intuba waa sadaqo
12. Xiriiri Qaraabada, Booqo Bukaanka, Xaqdhawr deriskaaga
13. Ka har Asxaabta xun, la saaxiib dadka wanaagsan oo dhawrsoon
14. Cafi cid kasta aad wax ka tabanayso ama waxyeelo kuu geysatay
15. Alle dartii u Jooji dhamaan balwadaha & caadooyin xun hadii aad leedahay
16. Kula dhaqan dadka dabeecado & akhlaaq wanaagsan, Noqo tusaale lagu daydo
17. Daryeel Naftaada, samee jimicsi ugu yaraan 30 daqiiqo maalin kasta
18. Baro oo Xafid magacyada Alle SWT ee Wanaagsan & micnahooda
19. Ha u arkin naftaada in aad ka fiican tahay ama ka nasiib badan tahay dadka kale
20. Alle weydiiso mar kasta cafis, dambi dhaaf iyo naxariistiisa
21. Ka eeg dhinaca fiican dadka, ha qod-qodin hana baarin ceebahooda
22. Ku Xamdi-naq Alle nimcooyinka kala duwan uu ku siiyay
23. Ha khasaarin Cuntada iyo Biyaha, Malaayiin baan maanta heysan!
24. Hagaaji Socodkaaga iyo labiskaaga, Ha sameyn is tus-tus adigoo is leh dadka oo dhan ayaa ku soo eegaya, xusuusnow in Alle kuu jeedo xilli kasta
25. U hiili naftaada, Go’aanso Ramadaankan in aad sameynayso isbedel dhab ah & horumar balaaran oo dhinac kasta ah

Allaha kaaga dhigo Ramadaankan midkii kuugu wanaagsanaa, midkii aad Alle si dhab ah ugu dhowaato, midkii Noloshaada u horseeda Horumar iyo Guul Aduun iyo Aakhiraba

W/Q: Farah Cawaash Beeldaaje

Check Also

Qaawanaan Qurux Maahan, Talo ku socota Dumarka

Quruxda dumarku ma aha dharka ay xirato, jismiga ay xambaarsan tahay, waxa ay dhabankeeda ku …

Leave a Reply

Your email address will not be published. Required fields are marked *