Sababaha Keena Yiridka (Gingivitis) Iyo Calaamadaha Lagu Garto

Waa maxay Yirid (Gingivitis) ?
Yiridku waa infekshan ku dhaca ciridka, waxaana keena jeermis, Wuxuu yimaadaa marka huuro ay ka buuxsanto inta u dhexeysa ilkaha iyo cirridka.
Huuradu “Plaque” waa lakab ilkahaaga ku dhega oo ka yimaada cuntada, jeermiska iyo dheecaanka. Waqti ka dib huurada waxaa ku tarma jeermis cirridka ku dhaca. Cirridku badanaa kuma dhaawacmo yiridka, laakiin daaweyntiisa muhiim ah.Yiridku wuxuu ku badan yahay dadka aan cadayan ama aan xarig isaga nadiifin ilkaha dhexdooda.
Haddii aan la daaweynin, jeermisku mar kale ayuu imaanayaa waxaana laga yaabaa in uu keeno cudur cirrid oo daran ama ilkaha ku dhaca.
Calaamadaha:
• Cirridka oo guduuta ama casaada.
• Cirridka oo si fudud dhiig uga yimaado.
• Cirridka oo wax bararsan u ekaada ama gadaal uga durka ilkaha.
• Neefta qofka oo urtaYiridka haddii aan la daaweynin wuxuu keenaa in ilkaha ay soo daataan markii ciridka uu ka durko.

Yaa halis ugu jiro yiridka?

Waxaa halis ugu jiro dadkaan hoos ku xusan:

• Dadka aan si wanaagsan u cadayan,
• Qofka aan caafimaadka ilkahiisa ku dadaalin,
• Dadka tubaakada isticmaala,
• Dadka da’da ah,
• Dadka difaacooda liito oo qaba xanuunada sida aydhiska ama kansarka oo kale.
• Dadka isticmaala daawooyinka ilkaha u daran
• Qofka qaba xanuunada jeermiska fangaska uu keeno.
• Dadka qabo af-qallaylka.
• Qofkii qaba nafaqo-darro ama fitamiinada ay ku yaryihiin
• Qofka daroogada isticmaala.
• Qof dhaawac ka gaaray ciridka qalliin ama si kalaba.

Sidee loo daaweeyaa?

Takhtarkaaga ilkaha u tag haddii aad calaamadaha mid ka mid ah isku aragto.
Takhtarkaaga ilkuhu wuxuu nadiifin doonaa isla markaana ilkahaaga ka saari doonaa huurada.

Xanuunka ciridka kaa hayo nooca uu yahay iyo sida loo daaweyn karo ayuu kuu sheegi doonaa.

Daaweyntu waxay ku xiran tahay xanuunkaaga heerka uu gaarsiisan yahay haddii ay daawo ku filan tahay ama qalliin aad u baahan tahay intaba.

Sidee logoa hortagi karaa?
Si yiridka looga hortago, cadayo oo ilkaha dhexdooda dun isaga nadiifi ugu yaraan labo goor maalin kasta si huurada meesha uga saarto inta aysan ku kordhin.

Takhtarkaaga ilkaha u tag 6-dii bilood ee kastaba mar si ilkaha lagaaga hubiyo oo lagaaga nadiifiyo.

Xigasho: www.somalidoc.com

Check Also

qawadka

Sababaha Keena Qawadka Iyo Calaamadaha Lagu Garto

Qawadka  waxaa caafimaad ahaan loo yaqaan “Tinea versicolor”  waa cudur ku dhaca maqaarka waxaana sababa …

Leave a Reply

Your email address will not be published. Required fields are marked *