10 Sir Oo Kuu Ekaysiinaya Qof Da’adiisa Ka Yar Oo Qurux Badan

Ma doonaysaa inaad qurux badnaato oo aad ekaato qof da’diisa ka yar markasta? Haday jawaabtu “Haa” tahay fiiro gaar ah u yeelo qodobadaan daryeelmagazine.com akhristayaashiisa la wadaagayo.

1. Khudaarta:qurux badanjirkaaga oo aad gudaha ka xanaanayso korka wuu ka iftiimaya, waxaan ugala jeednaa hadaad khudaarta iyo cuntada kale ee caafimaadka leh aad badsato jirkaagu waxaa uu noqonaya mid qurux badan oo nuuraya. Noocyada khudaarta haboon inaad laasimtid waxaa ka mid ah  spinach-ka, kale, avocado-da,  lowska iyo qaraha

2. Cidiyaha rinji marso:rinjiga cidiyahaQeybta jirkaaga ka midka ah ee laga garto da’daada saxda ah ma ahan wajiga ee waa gacmaha sida ay rumaysanyihiin in badan oo ka mid ah khubarada ku takhasustay cafimaadka maqaarka. Hadaba si ay dadku kuugu maleeyaan qof ka yar da’da saxda ah ee aad jirto, marso rinjiga cidiyaha sidoo kale xiro dahab.

3. Hurda Fiican Seexo:hurdaduWaxaad weydiisa gabdhaha asxaabtaada ah waxa ay ku qurxiyaan jirkooda waxaa hubaal ah in jawaabta intooda badan ay noqon doonto HURDADA. seexo si aad u qurux badnaato. Hurdada aad si wanaagsan u seexato habeenkii ayaa waxa ay kaa dhigaysaa gabar qurux badan. Xusuusnoow ugu yaraan 8 saacadood inaad seexato habeen kasta si aad ugu ekaato qof da’iisa ka yar quruxna aad u hesho.

Akhriso 10 qodob oo kuu sahlaya inaad hurdo raaxo leh seexatid habeen walba

4. Jimicsi joogto ah:jimicsi gabarJimicsigu waxa uu hagaajiyaa wareega caafimaadka, kaasoo maqaarka jirka ka dhiga mid qurux badan.  Daraasad ay samaysay  jaamacada McMaster ee dalka canada ayaa iftiimisay in jimicsigu maqaarka jirka uu ka ilaaliyo gabowga. Waxaa haboon inaad maalin kasta samaysid  30 daqiiqo oo jimicsi ah.

5. Ilaali caafimaadka indhahaaga:indhaha2Indhuhu waxay noqon karaan calaamad laga garto gabowga. Birta oo jirka ku yaraata waxay sababtaa bararka iyo madowga indhaha hoostooda. Si  indhahaagu u noqdaan kuwo dhalinyaro badso cuntooyinka qaniga ku ah birta (iron) sida spinach-ka, digirta  iyo shukulaatada madow. Sidoo kale cab shaaha cagaaran (green tea) wuxuu caawiyaa xididada dhiiga wuxuuna yareeyaa bararka.

6. Iska ilaali cusbada badan:cusbadaHadii aad cuntid cuntooyinka ay cusbadu ku badantahay waxay sababayaan in jirku biyaha hayo taasoo keenaysa bararka jirka gaar ahaan kan indhaha hoostooda.

7. Ku dadaal cuntooyinka borootinku ku badanyahay:salmonHadii aad doonaysid in timahaagu noqdaan kuwa caafimaad qaba waa inaad qaadataa qadar kugu filan oo borotiin ah. Cuntooyinka borotiinku ku badanyahay waxaa ka mid ah ukunta, caanaha kalluunka noocyada salmon  iyo tuna iyo weliba digirta.

8. Dabeecad Wanaagsan:

Tani waa ka mid ah waxyaabaha ugu waxtarka badan ee qofka ka dhiga inuu markasta u ekaado qof da’iisa ka yar. Ogow farxadu waxay kaalin libaax leh ka qaadataa quruxda. Had iyo jeer dhanka wanaaga wax ka eeg. Iska ilaali walaaca.

9. Iska yaree stress-kastresska Kadeedku ma ahan kaliya in uu gudaha kaa gubayo balse korkaaga ayuu ka muuqanaya, Stress-ku waxaa uu sababaa bararka maqaarka, finanka wajiga iyo cambaar. Kadeedka joogta waxaa uu kaloo soo dedejiyaa calaamadaha gabowga ee maqaarka jirka. Waxyaabaha aad iskaga yareyn kartid stress-ka waxaa ka mid ah adigoo bulshada dhex gala kalinimadana iska ilaaliya sidoo kala la kulma oo la sheekaysta asxaabtaada.

Akhriso: 10 tallaabo oo aad iskaga yareyn kartid stress-ka 

10. Qosolka:qosolDaraasado badan oo hore loo sameeyey ayaa sheegay in dumarka uu qosolku aad kor ugu qaado nafsadooda, laakiin hada baaritaan cusub oo la sameeyey ayaa lagu sheegay in qosolku uu sidoo kale dejiyo caadaadiska dhiigga haweenka marka uu kacsan yahay. ku dadaal mar walba dhoola cadaynta iyo qosolka ayaa ka caawinaya  quruxda jirkaaga.

Leave a Reply

Your email address will not be published. Required fields are marked *