Xikmado Nolosha Ku Saabsan Oo Laga Dhaxlay Faylasuufyadii Dunida Soo Maray

Qormadan waxaan akhristayaasha kula wadaagaynaa hal-ku-dhegyo iyo xikmado kala duwan oo laga dhaxlay Faylasuufyadii dunida soo maray waqtiyada kala duwan, kuwaas oo aynu si gaar ah u soo qaadanayno inta laga yaabo in ay si uun u khusayn karto qaybaha kala duwan ee nolosheenna maanta.

Ka faaidaysi wacan:

– Haddii aad adigu adiga noqoto, oo aanad isku dhererin ama la tartamin cid kale, waxaa hubaal ah in aad qof kasta tixgelin ka heli doonto.  (Lao Tzu)

– Haddii aad dhamaytirnaan raadiso naftaadu abidkeed raalli noqon mayso. (Leo Tolstoy)

– Qiimaha Jacayl ma garan kartid, haddii aanad nacayb iyo cabsi baran (Saul Williams).

– Qof kastaa waa waxa uu isu ekeysiiyo, sidaa awgeed ka taxaddar waxa aad isu ekeysiinayso (Kurt Vonnegut)

– Pablo Picasso oo ahaa Farshaxan iyo Hal-Abuur caalamiya oo u dhashay Isbayn noolaana intii u dhexeysay 1881kii illaa 1973kii, ayaa la weydiiyey waxa ay ku kala duwan yihiin isaga iyo dadka kala aragtida ahi, “Dadku waxa ay arkaan, “Waxa hadda jira, markaasay is weydiiyaan sababta…” Aniguna waxa aan arkaa, waxa dhici kari lahaa markaasaan is weydiiyaa sababta ay u dhici waayeen”

– Buugga in aad akhrido u qalmaa waa ka aad ku qasbanaato in aad dib-u-akhrido. (Susan Sontag)

– “Haddii aad doonayso in aad u heesto sida shimbiraha codka macaan, dan ha ka gelin dadka ku dhegeysanaya iyo waxa ay malaysan karaan. (Rumi)

– Marka aad cadhaysan tahay aamus. (Sheekh Bukhaari)

– Inta aad nooshahay wax kasta waa suurtogal (Thich Nhat Nanh)

– Waan jecelahay dadka u hanqal taaga dhabaynta waxa aan suurtogalka u muuqan (Johann Wolfgang Von Goethe)

– Mararka qaarkood ayaa aan riyoodaa, aniga oo aaminsan in ay tahay jidka keliya ee ii furan (Waxa keliya ee aan qaban karo) Haruki Murakami.

– Noloshu haddii ay riyo weydo, waxa ay noqotaa sida shimbir baalku ka go’ay. (Langston Hughes)

– Noloshu waa Is-bedello dabiici ah oo iyagu is wada, weligaa adigu ha ka hor iman; waayo is-hortaggaasi murugo ayuun buu dhalaa. Runta u ogoloow in ay run ahaato. (Lao Tzu)

– Ogoloow in wax kastaa kugu dhacaan, samaan iyo xumaanba, laakiin yaanay kaa waabin in aad hore u sii socoto, adiga oo aan dareemayn in aad dhammaadkii joogto. (Rainer Maria Rilke).

– Sida keliya ee isbeddelkaa dhacaa uu macno kuugu samayn karaa waa in aad la-jaanqaaddo, dhinaca geeddigu u socdana u raacdo, dadka ku faraxsanna la damaashaaddo. (Alan W. Watts)

– Noloshu kuma qasbana in ay in ay ina siiso waxa aynu filayno. (Margaret Mitchell).

– Mar kasta oo gu’ ii sii kordhaba, xog la’aan ayaan dareemaa. Inta da’da yar ayuun baa wax kasta sharraxaad u heli karta. (Isabel Allende)

– Ruuxa aan ka ka jawaabin su’aalaha nolosha oo dhan, ayuun baa imtixaankeeda ku aflaxa (Baasa) Franz Kafka.

– Yaabku waa jawaabta ugu fiican ee xaqiiqadu ay leedahay. (Terence McKenna)

– Noloshu ma’aha dhibaato in la xalliyo u baahan, balse waa xaqiiqo in lagu waayo qaato u baahan. (Soren Kierkegaard)

– Sidii bilowgiiba aanan uga warwarayn in aan dhasho, ayaanan imikana uga warwarayn in aan dhimashada. (Federico Garcia Lorca).

– Qof kasta masuuliyad akhlaaqeed ayaa ka saaran in uu caasiyo sharciyada caddaalad darrada ah. (Martin Luther king Jr.)

– In Sharciga laga cawdo oo lagu dibad-baxo macnaheedu ma’aha in dimuqraadiyaddii laga tegeyo, balse waaba arrin ay dimuqraadiyadda lafteedu u baahan tahay. (Howard Zinn)

– Qof kastaa dunida waxa uu ku warwarsan yahay joojinta argagaxisada. Waa hagaag, laakiin runtu waxa ay tahay in habka ugu fudud ee loo joojin karaa ay tahya in marka hore la joojiyo ficillada ka qayb qaadanaya” Noam Chomsky.

– Haddii aanad adigu Istaraatijiyad lahayn, waxa uun aad ka qayb noqonaysaa Istaraatijiyad qof kale dejistay. (Alvin Toffler)

– Deeqsinimada waxa aan u aqaannaa, marka uu qof waxa uu rabo ku ku bixiyo wax kasta oo qaali agtiisa ku ah, ee haddana uu weli aaminsan yahay, in qiime aad u yari kaga baxay (Simone De Beauvoir)

– Ma jiro qof weli faqiir ku noqday wax uu bixiyey awgii. (Anne Frank)

– Umadda weynideeda iyo horumarka akhlaaqdeeda waxaa lagu qiyaasaa uun hadba sida ay ula macaamilaan xayawaanka ku dhex nool. (Mahatma Gandhi)

– Qofka noloshiisu waxa ay qiimo leedahay inta uu qiimo ku kordhinayo nolosha dadka kale. waa jacayl, saaxiibtinimo iyo naxariis. (Simone de Beauvoir)

– Qasab ma’aha in wax kasta oo aan afka ka idhi aan waafaqsanahay sida uu yahay. (Marshal McLuhan)

– In sida aad tahay iyo itaalkaaga u noolaato, nusqaaniba ha ku jirto ee, ayaa ka fiican in aad ku noolaato iska-yeel-yeelka nolosha qof kale, xitaa haddii ay dhamaystiran tahay. (Bhagavad Gita).