Daryeel Magazine
Qormadaan oo uu qurbo magazine ka soo xigtay wargeysyo caalami ah oo kala duwan waxa uu akhristayaashiisa ugu soo bandhigayaa qaybo ka mid ah cuntooyinka aynu cunno, gaar ahaan cuntooyinka lagu yaqaanno in ay cayilka yareeyaan oo ay khubarada ku xeel-dheer cilmiga cuntada iyo faa’idada ku jirtaa caddeeyeen in ay miisaanka dhinto.
Boorashka: Boorashku waa cuntada ugu fiican ee ay tahay in uu cuno qofka doonaya in uu miisaanka iska dhimaa, waayo waxa uu ka mid yahay cuntooyinka baalka leh sidaa awgeed waxa uu u fiican yahay caafimaadka caloosha.
Tufaaxa: tufaaxu waxa uu ka mid yahay miraha ugu badan ee cilmi baarista lagu sameeyay natiijada kasoo baxday ee ku aadan faaidooyinkiisana waxay ahayd mid aad u wanaagsan. Tufaaxu waxa uu kaa caawin karaa inaad miisaanka iska dhintid… 10 faaido oo tufaaxu uu leeyahay Riix Halkaan
Kaabashka: Kaabashku waxa uu ka mid yahay cuntooyinka faa’idooyinka badan ee caafimaad ay ku jiraan, waxaa ka mid ah in uu badiyo kaadida taasina ay gacan weyn ka geysato hoos u dhaca miisaanka. Daraasado cilmiya ayaa iyaguna xaqiijiyey in uu si weyn wax uga taro ka hor tagga iyo baabi’inta burooyinka kansarka ah iyo guud ahaanba sababaha kansarka keena.
Saliid Olive-ta (olive oil): Xeel dheerayaasha nafaqada jirka waxay isku raaceen in saliida oliv-tu muhiim u tahay jirka. Saliidaan waxay kaa caawinaysaa inay ilaaliso kolestaroolka (duxda).
Looska: Badso cunista noocyada kala duwan ee looska waayo waxay yareeyaan caloosha, daraasad ay samaysay Purdue University ayaa lagu xusay in dadka cuna looska ayna mudo dheer gaajo dareemin marka loo fiiriyo kuwa cuna doolshaha oo ka mid ah cunooyinka kordhiya calories-ka.
Shukulaatada Madow: Daraasado badan ayaa sheegaya in shukolaatadu lug ku leedahay dhimista miisaanka ama buurnida. Fayberka ay ka samaysan tahay jokolaatadu ayaa waxa uuu yareeyaa in uu jirku kaydiyo dux (subaga, baruurta), sababana in uu qofku dareemayo in uu dheregsan yahay… 8 faaido oo kugu dhiira gelinaya inaad badsato shukulaatada madow Riix halkaan…
Sinjibiisha: Sinjibiisha oo xaddi macquul ah lagu darsado shaaha ama xataa biyaha caadiga ah ee la cabbaa waxa ay leedahay faa’idooyin caafimaad, oo ay ka mid tahay in ay jidhka ka saarto suntan, sidoo kale waxa ay leedahay faa’idada ah in jidhku iska saaro dareeraha saayidka ah ee k u haraa ama ku urura. 
Blueberries: miraha yar ee ee canabka u eg ee blueberries loo yaqaan waxay hoos u dhigaan heerka kolestaroolka.
10-kaan qodob samee si aad hoos ugu dhigto miisaanka jirkaaga Riix Halkaan
Saliida Kalluunka: Cilmi baaris ay samaysay jaamacada University of South Australia aya lagu ogaaday in hadii qofku uu badsado saliida kalluunka isla markaana jimicsi ku daro ay kordhayso fursadiisa ah inuu cayilka iska yareeyo.
Ukunta: Waxey gacan ka geysataa dhimista miisaanka, ukunta waxaa ku jira nafaqooyin muhiim ah, cilmi baarayaasha jaamacada Louisiana State University ayaa sheegay in dadka subixii ku quraacda ukunta uu miisaan badan ka dhaco marka loo eego kuwaan aan ku quraacan
